فنان إنسان
...
إيه يعنى تكون شاعر فنان
قلمك بينز فى نبض الناس
والحرف يطبطب عالمجاريح
ويداوى قلوب كلها إحساس
وازاى بيكون حسك موصول
بمشاعر ناس مبتعرفهاش
وإزاى الدمع بيملا عينيك
على احزان ناس ومبتحوشهاش
قلبك مرسال من رب الكون
بيعبر عن ملايين تانيين
احاسيسك مش ملكك انت
يملكها كل البنى آدمين
ويقولوا عليك يابو قلب ملاك
رغم إنك زى الناس من طين
وبيوت اشعارك تبقى قصور
يسكن فيها كل المساكين
وإزاى الضحكة بتملا عينيك
وتدارى فى صدرك قلب حزين
وقصايدك غنوة بتسعد ناس
وهمومك جواها إنت سجين
...
أشعار
الشاعر الكبير
محمد رجب
https://www.facebook.com/mohamad.ragab.35?mibextid=ZbWKwL