حمدي بلاط ... أشعار الشاعر القدير إبراهيم رضوان

 

شاعر انا و تايه

بين مشاعر خوف ..

بين الحروف انسّل عمرى و مَر ..

بين الخبايا ..

خلال عمايا باشوف..

و انجر _رغماً_ 

من حروف الجر..

عودت نفسي رغم كل الخوف ..

 ما اكتبش ابداً 

 إلا لو مُضطر  ..

أصل الكتابة سحب عالمكشوف ..

و القلب غاوى للعذاب يجتَّر ..

لو أقول هيصبح 

كل شيء معروف ..

و الكل يعرف منى طعم المُر ..

عودت نفسي 

يا حزن عالاحزان..

عاللي يسُر وعاللى منها يضر ..

يا حزن أنا 

مش باقى عالاحزان 

ده الحزن حبل وغاوي فينا يجُر ..

و أنا اللى قاومت الألم و الخوف ..

قاومت نفسى ..

و الزمن بيكُر ..

كان قلبي صحرا

شوف صَبَح بستان ..

صبح جناين 

طير ورد و طُهُر ..

حررت نفسي والزمن سجّان 

والسجن ضلمه وقيد وظلم وشر ..

و سحبت نور للسكة لاجل تبان 

يصبح ضلام الدنيا شمس الضُهر ..

ما تقولش سيبك دا كلام كُتّاب 

الكلمة باب .. و الكلام بيغُر ..

شاعر صحيح.. 

لكنى مش كداب ..

 و دي مشكلة كل البلاوى تجُر ..

يا حُزن علمنى السكوت ارجوك ..

كيفي الحقيقة..

و الحقيقة تضُر..

...

أشعار

أحمد عويس 

القاهرة مايو 2024

تعديل المقال