ما بحلمشي

 تكونيش ذنوب.. ؟

طب يعنى قولي

و انا كنت استغفر و اتوب..

و ارميكي بره حياتى و اتندم على

احلام قضيتها جوه سجن كئيب و ضلمة

و بابه متقفل بطوب..

قولي انك ذنب عرّى 

طُهر قلبى

و خلى روحى 

تبقى عورة 

 و جسمى مش مستور بتوب..

عرفَينى.. 

ليه و انا المشهور بنُبلُه

ابقى مجذوب خَف عقلُه

و ظنه بقى قاصد يضلُه

و ظَن مِن يعشق كَذوب..!

نوريني العتمة كاتمة

فوق براح الروح و رادمة

كل فِهم و كل هَمّة

و لمّا باتنهد بأدوب.. 

اه يا ليل ملعون و حالف 

 يسرق النور اللى باقى

و لما باتلفت بالاقي 

كل اركانِك غروب.. 

فَهِْمي المضروب بسهمِك

رغم إن القلب مُبصر 

ليه بيعمىَ عن العيوب.. 

ليه شيطان العشق راشق

ناوى و مُصِّر و دؤوب.. 

ريحي المسجون ف أسرُه

الغافل المحبوس ف سرُه

رافضة ليه الايام تسُره

افتحي باب الهروب..! 

افتحي..

باب..

الهروب

***

 تكونيش ذنوب...؟

أشعار

أحمد عويس

تعديل المقال