افتح مزاد
...
افتح مزاد ...
بلّغ جميع الخلق في كل البلاد
وسّع مجال المسألة
واعمل دعاية للبشر
حتى على سطح القمر
علشان يكون أعظم مزاد
حدد مكانك للمعاينة
والصهاينة بيشتروا من غير فصال
خليك أمين واعرض بضاعتك
شيء كده ف غاية الجمال
بالفلسفة ...
والدكترة ...
والحكمة ويا الفهلوة
والمنظرة ...
مصروف عليه دم القلوب
حبوب قوي
حنين قوي
فبلاش بقى " تأمين دخول "
سهّل على الناس الوصول
علشان ييجي لك ناس كتير
تِخْلَص بقى
يرسى المزاد لاحسن زبون
فيه ناس كده
" غاويين جنون "
دَق الجرس
فتحوا كشوف الحاضرين
الورقة مكتوب فيها شيء ... ياللعجب
كل اللي جه عاين ...
كتب ...
- حتى الصهاينة والعرب -
لو حتى فيها سوء أدب
مافيش على بضاعتك طلب
أصل احنا مش ناقصين هِبال
من غير سؤال
دَق الجرس ...
قفلوا المزاد
...
العزب فتحي
https://www.facebook.com/profile.php?id=100005846029486&mibextid=ZbWKwL